• error.iam

繼續自肥,繼續可恥,但很有用!去吧,ERROR!

Updated: Dec 18, 2021

一連兩晚睇咗兩集《ERROR自肥企劃》,話佢好好笑咩又唔係,不過好有共鳴呢,我相信有睇《新世紀福音戰士》都會好認同,由其係神還原綾波麗身愛重傷負傷上陣嘅一幕🙃。睇得出《ERROR自肥企劃》裏面無限制OT編集團精心模訪裏面的鏡頭,再加入ERORR 嘅元素,成件事搞笑得嚟一啲都唔夾硬,假如你幻想如果呢件事由 TVB 拍....未拍已經諗到成件事你只會覺得係真心膠,都係繼續搵人扮特首同搵年青人偶像蘇永康好了。事實上呢個到底係天賦嘅問題,定係心力嘅問題,我諗兩樣都有。正如主題曲裏面 Mike 導嘅一句,「但我才華早已盡流逝」,但係即使才華流逝,只要有一顆心,同埋有一道創意到底嘅精神,觀眾係有目共同睹。


《ERROR自肥企劃》推出嘅之前落足功夫使宣傳,(雖然被 MIKE 導用粗口感謝 VIUTV PR 劇透,又帶來多一波宣傳),有ERROR四子做直播(包括反省中的保錡),亦有接受傳媒採訪的攻勢,從呢啲一點一滴的片段,又會發現ERROR 又再進步。雖然大多數訪問只係得返193,肥仔以及Dee 哥,但睇得出佢哋之間嘅默契比起以前加深左好多,仲記得193喺訪問時講到,係《最後一屆口罩小姐》裏面,當佢要淘汰參賽者嘅時候,佢忍唔住流淚,因為佢明白有好多俾佢早入行嘅人,一直都得唔到一個機會,但係佢好好彩有機會追夢,佢好希望為嗰啲嚟參賽嘅人爭取一個機會。TVB 嘅藝人同 VIUTV 最大嘅對比,大概就係呢種時時刻刻都出現嘅真性情,佢地比你睇到,做節目我係會有ERROR,不完美但很接受,我講野有ERROR,不禮貌但部分時實正確,大概真真正正有試煉過嘅人,及努力去追夢嘅人,先會明白一個機會得來不易要好好珍惜嘅情感。可能對於一啲長輩級嘅人來講,會覺得一個年資咁淺嘅人去話俾個機會其他人,好似有啲大言不慚,但正正其實係因為ERROR 每個 人,以至 VIU 嘅人才,經歷過起起跌跌,更了解自己嘅夢想,所以佢哋用同一個心態去希望幫其他人一齊追夢,呢一種單純,比起將娛樂圈睇成係出名,出位,賺大錢嘅人,大概係理解唔到。香港人,繼續追夢吧!


1 view0 comments