• Motoyuki

學校永遠不會教的理財課:教會你的孩子分配收入達致財務自由!

#財務自由 #被動收入 #小朋友理財 #提早退休 #投資 #股票 #儲蓄 #銀行



人生好彩的話可能有 80 歲命,唔好彩可能有 100 歲,最近仲聽到有科學家話可能可以去到 200 歲,對於一啲人生走了 1/3 或 1/2 嘅朋友,有啲可能已經有唔少財富,有啲可能仲係月月清袋,呢度要講嘅,唔係已經無得救嘅自己(放心,講笑,有心唔怕遲),而係你前途無限嘅下一代。如果你嘅小朋友年年考第一,讀埋 PHD,但每個月都係月光族,我相信你會希望可以早啲教會佢呢一課,我身邊真係有唔少朋友,博士學位但出嚟真係打工攞份糧都唔夠洗。今日我地要講嘅唔係一啲好難嘅野,唔係要投資同做股神,只係要學會分配金錢,而呢個係 3 份法則 -- 一份洗,一份存,一份投資。


假設你比你小朋友 $90 元 (為左除得均所以用 $90),咁你就應該比小朋友有第一個概念,錢賺左係唔可以洗哂佢!如果由細已經係一個月光族,咁人到老就好難生活了,咁係米一啲都唔洗呢?咁一個人無論點都係要消費,當然點樣消費係另一個學問,但係呢度要表達嘅係,錢係要洗的,關鍵係洗幾多。係呢度我地定一個準則,就係 1/3, 好啦咁錢錢就放入銀包了。


跟住落嚟就係1/3 用嚟存備,存備其實係用嚟做咩嘅呢,係大人嘅世界,存備就係用嚟不時之需,例如意外入院,屋企爆水喉之類等不可抗力之因素。咁係小朋友嘅世界呢?大部份時間小朋友嘅野係大人賦予,所以無咩野要負責任,但亦因為咁好容易令佢地大個時忘記了要預留 budget 比意外開支,所以細個時應該要佢地對自己財物負一定責任,例如,書包如果係因為不正當使用而破損,佢可以選擇補番,或可以用自己存備買過一個 (注意係一定無得選擇一定要買先可以買,而且係必需品); 又或者佢唔見左筆或文具,無妥善保管自己財物,都要用存備買番,我地唔係要罰佢或責罵,咁樣唔係一個合邏輯嘅因果關係,自己嘅野要自己負責先係一個正確嘅因果關係。


最後,就係對小朋友最難理解,但又最重要嘅一步,就係放 1/3 嘅錢去投資。唔好睇少呢 $30, 首先,每月 30 蚊係等於 360 元 一年,兩年嘅錢已經可以買到美股(因為美股可以一股一股咁買),再者,佢嘅零用錢係唔會一直停留係 90 元,因為世上有通脹,再加上,投資落股票係有複式效應,錢滾錢。而且,最重要嘅一環係,要教識佢地如何分配財產。如果你嘅小朋友由小已經有資產分配概念,大個就唔洗要擔心了。


以上嘅課題每一個都可以再細分同討論,今日就講住咁多先了~

0 views0 comments

Recent Posts

See All

三色台無綫藝人曾志偉翻炒獎門人多年,由經典變成悶,再變成翻炒自己,作為娛樂事業的前輩,也只能認命自己已江郎才盡。近日推出的開心無敵獎門人証明獎門人也不是無敵,全部台前都不帶好罩,終於算是在某方面再度成為先鋒,最終多位藝人包括曾志偉都確診新冠肺炎,不過其實如果非心中帶數,中了也無大礙,又怎可能會不帶口罩呢。 其實,面對香港幾百萬人已中招,又證實了超過 99% 的人都無大礙,為什麼仍要用如此惡劣粗暴手

一位30多歲的女生,剛剛過了人生最高新陳代謝率的20來歲,自不然身形會開始走樣(有多少人會像 Amber Heard 那樣,36 歲面對與 Johnny Depp 的官司壓力還要照顧女兒還是身材優美。 )。今天我正在電梯間打量着自己的身形時,嚇然緊張自己的身型是否由啤梨型變了蘋果型?但仔細想想,我的身形跟我媽應該未至於一樣吧🙃。於是我不期然用電話開始搜尋女性的身形有哪幾種。(想知道自己是什麼身型